Qırğızıstan fiskal proqrama qoşulmalı fəaliyət növlərinin siyahısını genişləndirdi

Qırğızıstanda 4 noyabr 2026-cı il tarixli hökumət qərarına əsasən, məlumat ötürmə funksiyalı fiskal proqram təminatına qoşulması nəzərdə tutulan fəaliyət növlərinin siyahısı genişləndirildi. Bunu Qırğızıstan Dövlət Vergi Xidmətinin mətbuat xidməti bildirib.

Tələblər mərhələli şəkildə tətbiq olunacaq və ictimai iaşə müəssisələri, otellər, hamamlar və saunalar, yanacaqdoldurma stansiyaları, tibbi təşkilatlar, mağazalar və bəzi pərakəndə satış kateqoriyalarını əhatə edəcək. İlk mərhələ 1 avqust 2026-cı ildə Bişkek, Manas və Oşda qüvvəyə minib. 1 fevral 2027-ci ildən Tokmak, Karakol, Balıqçı və bir sıra rayonlara şamil ediləcək, tam keçid isə 1 fevral 2029-cu ilə qədər planlaşdırılır.

Qərar sentyabr 2025-ci ildən avqust 2026-cı ilə qədər həyata keçirilən pilot layihənin uğurla tamamlanmasından sonra qəbul edilib. Layihənin nəticələrinə görə, iştirakçıların orta gündəlik dövriyyəsi əhəmiyyətli dərəcədə artıb, bu isə hesablaşmaların daha tam uçotunu və biznesdə şəffaflığın artdığını göstərir.