Bolqarıstan NATO-dan qırıcı təyyarələr və hava müdafiə sistemləri istəyib

Bolqarıstanın müdafiə naziri Dimitar Stoyanov bildirib ki, ölkənin müdafiə potensialını gücləndirmək üçün NATO Baş katibi Mark Rutteyə məktublar göndərib və müraciət edib. Stoyanov Bolqarıstan Hava Qüvvələrinin yaradılmasının ildönümü münasibətilə Sofiyada jurnalistlərə açıqlamasında məqsədin ölkənin hava məkanında və ərazi sularında müdafiəni təmin etmək və hərbi varlığı nümayiş etdirmək olduğunu deyib.

Stoyanov deyib: “Müdafiə potensialımızın gücləndirilməsi üçün NATO Baş katibi Mark Rutteyə məktublar göndərdik və tələb irəli sürdük.” O, həm hava vasitələri, həm də yerdən havaya raketi sistemləri, pilotsuz uçuş aparatlarına qarşı sistemlər və hava patrulu dəstəyi istədiklərini bildirib. “Mümkün olan bütün dəstək variantlarını istədik”, – deyə o əlavə edib.

Stoyanov Rumıniyanın və Baltik ölkələrinin də oxşar ehtiyaclarının olduğunu qeyd edib. O, bölgədə müttefiq qüvvələrin və hərbi bölmələrin yerləşdirilməsinin belə Qara dənizdə təhlükəsizliyi tam təmin edə bilməyəcəyini vurğulayıb.