Mirzoyan: Türkiyə ilə sərhəd istənilən an aça bilər

Ermənistanın xarici işlər və beynəlxalq ticarət naziri Ararat Mirzoyan, Türkiyə ilə Ermənistan arasındakı sərhədin istənilən an açıla biləcəyini bildirib. Mirzoyan, İrəvanda COP17 çərçivəsində keçirilən Liderlər Sammiti zamanı jurnalistlərə açıqlamasında "Biz sabah yuxudan oyanıb Türkiyə Ermənistan sərhədinin açıldığını görə bilərik" deyib.

Nazirin sözlərinə görə, Ermənistan və Türkiyə arasında normallaşma prosesi sərhədin istənilən vaxt açılması barədə qərar qəbul etməyə imkan verəcək qədər yetkinləşib. O, iki ölkə arasında dialoqun kifayət qədər intensivləşdiyini, diplomatik kanallar vasitəsilə aparıldığını və müxtəlif iqtisadi-ticarət məsələlərini əhatə etdiyini qeyd edib.

Mirzoyan vurğulayıb ki, Ermənistan sərhədi insanların ikitərəfli hərəkəti, eləcə də sərnişin və yük daşımaları üçün artıq indi aça bilər. O, Türkiyə və Azərbaycanın iki normallaşma prosesinin paralel şəkildə irəliləməsini dəstəklədiyini xatırladıb. Eyni zamanda, Ermənistanın Azərbaycanla sülh şəraitində olduğunu və ticarətin aparıldığını, lakin birbaşa ortaq sərhəd vasitəsilə həyata keçirilmədiyini bildirib. Türkiyə isə Ermənistanın Azərbaycanın ərazi bütövlüyünə qarşı hərbi təcavüzünə görə 1993-cü ildə Ermənistanla sərhədi bağlayıb.