Tokayev COP17 çərçivəsində Yerevanda bir sıra görüşlər keçirib

Qazaxıstan Prezidenti Qasım-Jomart Tokayev, Yerevanda COP17 çərçivəsində keçirilən Biomüxtəliflik Sammitinin kənarında bir sıra görüşlər keçirib. Tengrinews məlumatı Akordaya istinadən yayıb.

Tokayev UNESCO-nun Baş direktoru Xaled əl-Ənani ilə görüşüb. Görüşdə Qazaxıstanın UNESCO ilə təhsil, elm və mədəniyyət sahələrində əməkdaşlıq perspektivləri müzakirə olunub. Humanitar əlaqələrin və xalqlar arasında dialoqun möhkəmləndirilməsinə yönəlmiş beynəlxalq təşəbbüslərdə əməkdaşlığın genişləndirilməsinin vacibliyi qeyd edilib. Avropa Komissiyasının Təmiz, Ədalətli və Rəqabətqabiliyyətli Keçid üzrə icraedici vitse-prezidenti Tereza Ribera ilə söhbətdə Qazaxıstan və Avropa İttifaqı arasında davamlı inkişaf, enerji və ətraf mühitin qorunması sahəsində əməkdaşlığın gücləndirilməsi məsələləri ələ alınıb.

Tokayev 16 oktyabrda COP17 Biomüxtəlifliyin Qorunması üzrə Liderlər Sammitində çıxış edib. Beynəlxalq səylərin koordinasiyasına və gələcək nəsillər qarşısında ümumi məsuliyyətə diqqət çəkən Tokayev, dünyada doqquzuncu ən böyük ərazisi olan Qazaxıstanın unikal biomüxtəlifliyə malik olduğunu bildirib və nadir heyvan növlərinin populyasiyasının bərpası üzrə görülən işlərdən danışıb.