Qırğızıstanda 16 oktyabrdan valyuta mübadiləsi yalnız şəxsiyyət sənədi ilə aparılacaq

Qırğızıstan Milli Bankının məlumatına görə, 16 oktyabr 2026-dan Qırğızıstanda nağd xarici valyutanın alqı-satqısı üzrə yeni qaydalar qüvvəyə minib. Bu qaydalara əsasən, valyuta mübadilə məntəqələri əməliyyatın məbləğindən asılı olmayaraq hər müştərinin şəxsiyyətini müəyyən etməli və onu sanksiya siyahıları ilə yoxlamalıdır. Dəyişikliklər tənzimləyici orqan tərəfindən 1 oktyabr 2026-da qəbul edilib.

Şəxsiyyəti təsdiqləmək üçün fotoşəkilli kağız sənədlərlə yanaşı, dövlət informasiya sistemləri vasitəsilə təqdim olunan elektron versiyalardan istifadə etməyə icazə verilir. Bir milyon somdan başlayan əməliyyatlarda isə əlavə yoxlama prosedurları nəzərdə tutulub: mübadilə məntəqələri müştəri anketini doldurmalı və faydalanan sahibi məlumatlarını yoxlamalıdır.

Dəyişikliklər cinayətkar gəlirlərin leqallaşdırılmasına və cinayətkar fəaliyyətin maliyyələşdirilməsinə qarşı mübarizənin gücləndirilməsi ilə bağlıdır. 2026-cı ilin iyununda Maliyyə Nazirliyi və Dövlət Maliyyə Kəşfiyyatı Xidməti valyuta mübadilə məntəqələrinə nəzarətin sərtləşdirilməsini təklif etmişdi.