Yunanıstan Fransa, İtaliya və GKRY ilə Şərqi Aralıq dənizində birgə təlim keçirəcək

Yunanıstan 19 oktyabrda Fransa, İtaliya və Güney Kipr Rum İdarəsi (GKRY) ilə birlikdə Şərqi Aralıq dənizində təlim keçirəcək. Haber Kıbrıs-ın verdiyi xəbərə görə, Ta Nea qəzetinin məlumatına əsasən, “Eunomia” adlı təlim böyük ölçüdə Yunanıstan, GKRY və İsrail arasında planlaşdırılan elektrik xətti layihəsinin (GSI) marşrutu boyunca keçiriləcək.

Xəbərdə bildirilir ki, səhər saatlarında Şərqi Aralıq dənizində real atışlı təlimlər planlaşdırılır. Günorta mərhələsində isə təlimin Kaşot və Kerpe adalarının cənub-şərqində keçiriləcəyi gözlənilir. “Sadə təlim” kimi təsvir edilən tədbirdə dəniz və hava qüvvələri iştirak edəcək.

Xəbərdə qeyd olunur ki, təlimin vaxtının təsadüf ola bilməyəcəyi iddia edilir. Bu iddiaya görə, GSI üçün Fransa bayrağı altında gəminin seçilməsi, Fransız “Meridiam” şirkətinin layihəyə qoşulması və “Eunomia” təlimi beynəlxalq və Avropa səviyyəsində müdafiə şəbəkəsi yaradır.