Ufada üç avtomobil toqquşdu, altı uşaq xəstəxanaya göndərildi

Rusiyanın Başqırdıstan Respublikasının paytaxtı Ufa şəhərində, Dostluq abidəsi yaxınlığında baş vermiş yol-nəqliyyat hadisəsindən sonra altı uşaq tibbi müayinə üçün xəstəxanaya göndərilib. Xilasedicilərin məlumatına görə, Kia, Mercedes və BMW markalı avtomobillər toqquşub, minivan isə aşıb.

Uşaqlar arasında iki və yeddi aylıq körpələr, iki yaşlı uşaqlar, həmçinin 10 və 13 yaşlı yeniyetmələr var. Onlardan beşinin beyninin silkələndiyi və kəllə sümüyündə zədələr aldığı bildirilib. Bundan əlavə, iki yetkin şəxs və zərərçəkmişlərin qohumu da xəstəxanaya aparılıb. Hadisə yerinə gələn qohum gördüyü mənzərədən böyük sarsıntı keçirib.

Xilasedicilər və həkimlər hadisə yerində zərərçəkmişlərə lazımi yardım göstərib.