Tramp Rusiyaya qarşı yeni sanksiyaları dayandıran sərəncam imzaladı

ABŞ Prezidenti Donald Tramp Rusiyaya qarşı yeni sanksiyaların tətbiqini dayandıran sərəncam imzalayıb. Qərar milli maraqlarla əsaslandırılıb. Qafqazinfo xəbər verir ki, Ağ Evin saytında yayılan məlumata görə, sərəncam Rusiyanın hökumətinə və dövlət şirkətlərinə qarşı sanksiyalar və Rusiyadan enerji idxal edən ölkələrə tarifləri nəzərdə tutan qanun layihəsinin qüvvəyə minməsinə iki gün qalmış imzalanıb.

Tramp qanun layihəsini sentyabrın 18-də imzalayıb. Oktyabrın 9-da isə qlobal yanacaq qiymətlərini aşağı salmaq məqsədilə Rusiya ilə yüz minlərlə ton dizel yanacağının tədarükü barədə razılaşdığını açıqlayıb. Tramp bildirib ki, bunun müqabilində sanksiyaların müvəqqəti dayandırılması tələb edilib.