Azərbaycanın strateji valyuta ehtiyatları Ermənistan və Gürcüstanın birgə ehtiyatlarından 6 dəfə çoxdur

Azərbaycan strateji valyuta ehtiyatlarının həcminə görə Cənubi Qafqazda lider mövqedədir. Dövlət Statistika Komitəsinin məlumatına görə, ölkənin strateji valyuta ehtiyatları 2026-cı il sentyabrın 30-na 89,38 milyard dollar təşkil edib. Bu məbləğ 4,51 milyard dollarlıq xarici dövlət borcundan təxminən 19,8 dəfə çoxdur. Gürcüstanın 8,17 milyard dollarlıq beynəlxalq ehtiyatlarından təxminən 10,9, Ermənistanın 6,66 milyard dollarlıq valyuta ehtiyatlarından isə 13,4 dəfə yüksəkdir.

Strateji ehtiyatlara Mərkəzi Bankın valyuta ehtiyatları ilə yanaşı Dövlət Neft Fondunun aktivləri daxildir. Mərkəzi Bankın məlumatına görə, valyuta ehtiyatları 2026-cı il oktyabrın 1-nə 15,363 milyard dollar təşkil edib. Dövlət Neft Fondunun aktivləri isə 2026-cı ilin birinci yarısının sonunda 72,6 milyard dollar olub.

Cari əməliyyatlar hesabının profisiti 2026-cı ilin birinci yarısında 4,7 milyard dollar və ya ÜDM-in 12,4 faizi təşkil edib. Bu, 2025-ci ilin eyni dövründəki 2,3 milyard dollarlıq profisitdən iki dəfədən çoxdur.