Azərbaycanda “Falcons Meet - 2026” təlim uçuşlarının növbəti mərhələsi keçirilir

Azərbaycanda keçirilən “Falcons Meet - 2026” birgə taktiki uçuş təlimlərinin növbəti mərhələsi çərçivəsində təlim uçuşları həyata keçirilib. Təlimdə Azərbaycan və Birləşmiş Ərəb Əmirliklərinin hərbi qulluqçuları, eləcə də hər iki ölkənin aviasiya vasitələri və hava müdafiə sistemləri iştirak edib. Bu barədə Azərbaycan Müdafiə Nazirliyinin Mətbuat Xidməti məlumat yayıb.

Uçuşlar zamanı hərbi qulluqçular mürəkkəb akrobatik manevrlər icra ediblər və havada koordinasiya, döyüş tapşırıqlarının yerinə yetirilməsi üzrə praktiki bacarıqlarını nümayiş etdiriblər. Hərbi pilotlar yüksək peşəkarlıq göstəriblər və onlara həvalə olunmuş tapşırıqları dəqiqliklə yerinə yetiriblər.