MHP Sədri Devlet Bahçeli: Azərbaycanın kədəri bizim kədərimizdir

Milliyyətçi Hərəkat Partiyasının Sədri Devlet Bahçeli, Azərbaycanın 18 Oktyabr Müstəqilliyin Bərpası Günü münasibətilə yazılı bəyanat yayımlayıb. O, 18 oktyabr 1991-ci ildə qəbul edilmiş Azərbaycan Respublikasının Dövlət Müstəqilliyi haqqında Konstitusiya Aktının 35-ci ildönümünü təbrik edib.

Bahçeli bildirib ki, bu gün yalnız dövlətin yenidən doğuşu deyil, həm də əsarəti qəbul etməyən xalqın şərəfli duruşunun ifadəsidir. O, 27 sentyabr–10 noyabr 2020-ci il tarixlərindəki Qarabağ Zəfərinin Azərbaycanın milli müstəqilliyinə yeni məna və güc verdiyini qeyd edib.

Bahçeli “Azərbaycanın sevinci bizim sevincimiz, kədəri bizim kədərimizdir” sözlərini işlədib. O, Türkiyə və Azərbaycanın “Bir millət, iki dövlət” anlayışı ilə bütün çətinliklərə qarşı birlikdə dayandığını vurğulayıb.