44 günlük Vətən müharibəsinin xronikası: 18 oktyabr

Trend Vətən müharibəsinin 18 oktyabr tarixinə olan xronikasını təqdim edir. Müharibə 2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribatı ilə başladı; Azərbaycan Ordusu sonradan “Dəmir yumruq” adlandırılan əks-hücum əməliyyatı ilə cavab verdi. 44 gün davam edən müharibə təxminən otuzillik işğala son qoydu və ərazi bütövlüyünün bərpası ilə nəticələndi.

Prezident İlham Əliyev “Twitter” səhifəsində Azərbaycan Silahlı Qüvvələrinin qədim Xudafərin körpüsünün üzərində Azərbaycan bayrağını qaldırdığını açıqlayıb. Birinci vitse-prezident Mehriban Əliyeva rəsmi “İnstaqram” hesabında Füzulinin işğaldan azad edilməsi ilə bağlı paylaşım edib. Humanitar atəşkəs rejiminin elan olunmasına baxmayaraq Ermənistan silahlı qüvvələri razılaşmanı növbəti dəfə kobud surətdə pozub. Ermənistanın məhv edilən hərbi texnikalarının siyahısı açıqlanıb, düşmənin hərbi hissəsi ələ keçirilib və növbəti Su-25 təyyarəsi vurulub. Ermənistan Ağdərə, Füzuli, Hadrut və Cəbrayıl istiqamətlərində hücuma cəhd edib.

Azərbaycan əsgərləri ermənilərin xüsusi təyinatlılarının mövqelərini ələ keçirib, düşmənin döyüş texnikası və silah-sursatına el qoyulub. İşğaldan azad olunan Füzuli şəhərinin mərkəzində Azərbaycan bayrağı qaldırılıb.