BTC neft kəməri doqquz ayda 18 milyon tondan çox neft daşıyıb

Azərbaycan Dövlət Statistika Komitəsinin dərc etdiyi hesabata görə, Bakı-Tbilisi-Ceyhan (BTC) neft kəməri 2026-cı ilin yanvar-sentyabr aylarında 18,857 milyon ton neft daşıyıb. Trend-in Dövlət Komitəsinin məlumatları əsasında apardığı hesablamalara görə, bu göstərici 2025-ci ilin eyni dövründə daşınmış 20,569 milyon tondan 1,712 milyon ton, yəni 8,3 faiz az olub.

Dövrdə BTC ilə daşınan neftin 82 faizi (15,456 milyon ton) Azərbaycanda hasil edilən xammala, 18 faizi (3,401 milyon ton) isə Türkmənistan və Qazaxıstandan daxil olan nefta aid olub. bp-nin son məlumatlarına görə, 2006-cı ilin iyun ayında istismara verilməsindən 2026-cı ilin iyun ayının sonunadək 1 768 kilometr uzunluğunda kəmərlə 4,7 milyard barreldən çox neft daşınıb.

Hazırda kəmərlə əsasən Azəri-Çıraq-Günəşli (AÇG) blokunun nefti və Şahdəniz yatağının kondensatı daşınır. Həmçinin Xəzər hövzəsindən əlavə neft və kondensat həcmləri, o cümlədən Qazaxıstan və Türkmənistandan gələn xammal, habelə SOCAR-ın Azərbaycanda hasil etdiyi digər neft daşınmağa davam edir.