Xristodulidis Erhürmanı danışıqların bərpası üçün “ilkin şərtlər” qoymaqda ittiham etdi

Yunan kipriotlarının lideri Nikos Xristodulidis, müzakirələrin bərpası ilə bağlı Türk kipriotlarının prezidenti Tufan Erhürmanı “ilkin şərtlər müəyyən etməkdə” ittiham edib. O, Türk tərəfinin həll sonrası dönüşümlü prezidentlik prinsipinin əvvəlcədən qəbul edilməsinə israrını tənqid edərək bütün məsələlərin danışıqlar masasında müzakirə olunmasını vurğulayıb.

Erhürmanın 19 yeni təklifin ona rəsmi şəkildə təqdim edilmədiyi iddiasına cavab verən Xristodulidis, təkliflərin yazılı deyil, şifahi çatdırıldığını və Erhürmanın onlardan xəbərdar olduğunu bildirib. Təkliflərdən birinin Bağlı Marasın gələcəyi ilə bağlı olduğunu təsdiqləyən Xristodulidis, məsələnin New Yorkda BMT Baş katibi ilə görüşdə və məktubda müzakirə edildiyini deyib.

Xristodulidis, danışıqların 2017-ci ildə Krans-Montanada kəsildiyi nöqtədən davam etməsinin prosesi qısaltacağını irəli sürüb. Pildə keçirilən iki icmalı festivalda Erhürmanın Kipr məsələsi ilə bağlı açıqlama verməməsinə dair suala isə səbəbini bilmədiyini deyib.