Azərbaycan 9 ayda 18 milyard kubmetrə yaxın təbii qaz ixrac edib

Report, Azərbaycan Dövlət Gömrük Komitəsinin statistikasına əsasən xəbər verir ki, bu ilin yanvar-sentyabr aylarında gömrük bəyannamələrinə əsasən Azərbaycan 17.994 milyard kubmetr təbii qaz ixrac edib.

İxrac edilən təbii qazın dəyəri 6.45 milyard ABŞ dolları təşkil edib. Hesabat dövründə ixrac edilən təbii qazın həcmi 2025-ci ilin 9 ayı ilə müqayisədə 2,9%, dəyəri isə 3,7% azdır. Hesabat ayında təbii qazın Azərbaycanın ümumi ixracında payı 27,02% olub.

Bu ilin yanvar-sentyabr aylarında Azərbaycan xarici ölkələrlə 37.21 milyard ABŞ dolları dəyərində ticarət əməliyyatı aparıb. Bunun 23.865 milyard ABŞ dolları ixracın, 13.346 milyard ABŞ dolları isə idxalın payına düşüb. Son 1 ildə ixrac 28,3% artıb, idxal isə 20,4% azalıb.