Nazirlik: Zəngəzur dəhlizinin inkişafı regional nəqliyyat əlaqələrini gücləndirəcək

Azərbaycanın Rəqəmsal İnkişaf və Nəqliyyat Nazirliyi bildirib ki, Zəngəzur dəhlizinin inkişafı Azərbaycanın tranzit potensialının genişləndirilməsi və beynəlxalq nəqliyyat marşrutlarının şaxələndirilməsi baxımından xüsusi əhəmiyyət kəsb edir. APA-Economics xəbər verir ki, bu istiqamətdə Horadiz-Ağbənd avtomobil yolunun tikintisi başa çatdırılıb, dəmiryolu xəttinin tikintisi isə davam edir.

Eyni zamanda Naxçıvanın dəmiryol infrastrukturunun modernləşdirilməsi üzrə işlər aparılır. Nazirlik bildirib ki, Zəngəzur dəhlizinin inkişafı ildə 15 milyon tona qədər əlavə yük daşınması imkanı yaradacaq və bu, regional nəqliyyat əlaqələrini gücləndirəcək.