Ermənistan Başkənd qəsəbəsinə iddiasından əl çəkməyə hazırlaşır

Ermənistanın Baş naziri Nikol Paşinyan Azərbaycanla sülhün təmin olunması üçün sərhədin hər iki tərəfində anklav və eksklavların qalmamasını və bunun üçün ərazi mübadiləsi aparılmasını təklif edib. Day.Az xəbər verir ki, bu barədə Paşinyan sosial şəbəkələrdə canlı yayım zamanı bildirib. O, sülh sazişi imzalandıqdan sonra Ermənistanın ərazisinin 29 743 kvadratkilometr ola biləcəyini deyib.

Paşinyanın sözlərinə görə, Azərbaycan və Ermənistan bir-birinə uyğun ölçülərdə əraziləri mübadilə etməlidir. O, həm 'Sülh kəsişməsi' layihəsi çərçivəsində, həm də ondan kənarda bütün yolların və kommunikasiya xətlərinin açıq olmalı olduğunu hesab edir. Paşinyan əlavə edib ki, Bakı və İrəvan bir-birinə qarşı heç bir iddia irəli sürməməli və bütün məsələlərdə bir-birinə müdaxilə etməməlidir.

Xatırladaq ki, Ermənistan Azərbaycanın Gədəbəy rayonunun Başkənd qəsəbəsinə iddialar səsləndirirdi. Sülh və dövlətlərarası münasibətlərin qurulması haqqında saziş 2025-ci il avqustun 8-də Vaşinqtonda keçirilən sammitdə paraflanıb. Hazırda tərəflər sənədin imzalanması və ratifikasiyası, sərhədlərin delimitasiyası və nəqliyyat kommunikasiyalarının açılması istiqamətində işi davam etdirirlər.