Fidan GSI layihəsi ilə bağlı: Layihəyə qarşı deyilik

Türkiyənin xarici işlər naziri Hakan Fidan, Türkiyənin Yunanistan və Kipr arasındakı elektrik bağlantısı layihəsinə qarşı olmadığını, lakin dəniz tədqiqatları ilə bağlı əvvəlcədən yazılı məlumatlandırılmasını istədiyini bildirdi. Brüsseldə Avropa Siyasət Mərkəzində çıxış edən Fidan, məsələni Yunanistan prezidenti və Fransa prezidenti ilə müzakirə etdiyini qeyd etdi.

Fidan Türkiyənin mövcud statusun pozulmasını və ya iki tərəf üçün daha böyük problemlərə yol aça biləcək bir presedentin yaradılmasını istəmədiyini ifadə etdi. Yunan "TA NEA" qəzetinin sualını cavablandıran Fidan, Great Sea Interconnector kimi tanınan layihəni "dəyərli layihə" adlandırdı.

Lakin Fidan, təxminən 2 min kilometrlik məsafədən 2 milyard avro xərclə elektrik ötürülməsi əvəzinə, elektrikin Türkiyədən satın alınmasının daha münasib olacağını müdafiə etdi. Onun fikrincə, belə seçimdən həm Kipr Rumları, həm də Kipr Türkləri yararlana bilər.