Malayziya Türkmənistan şirkətləri ilə neft-qaz tərəfdaşlığını inkişaf etdirməyə hazırdır

Malayziya öz neft və qaz xidməti şirkətləri ilə Türkmənistan müəssisələri arasında uzunmüddətli əməkdaşlığı dəstəkləməyə hazır olduğunu bildirib. Bu əməkdaşlığa texnologiya ötürülməsi, mütəxəssis hazırlığı və yerli təchizatçıların inkişafı daxildir. Bunu Malayziyanın İqtisadiyyat naziri Akmal Nasrulla bin Mohd Nasir Aşqabadda OGT 2026 Beynəlxalq Konfransı və Sərgisinin plenar sessiyasında açıqlayıb.

Sərgidə təxminən 20 Malayziya neft-qaz xidməti və avadanlıq şirkəti iştirak edir, onlardan yeddisi milli pavilyonda təmsil olunur. Nazir qeyd edib ki, nəticələr yalnız bağlanmış müqavilələrlə deyil, iş yerlərinin yaradılması, yerli təchizatçıların imkanlarının artması və peşə bacarıqlarının ötürülməsi ilə də qiymətləndirilməlidir.

Nazir həmçinin xatırladıb ki, iyunda Malayziya nümayəndə heyəti Türkmənistana səfər edib və o, Nazirlər Kabinetinin sədr müavini Quvanç Ağacanovla birlikdə karbohidrogen ehtiyatlarının inkişafı üzrə hökumətlərarası çərçivə sazişini imzalayıb. O, PETRONAS şirkətinin 1996-cı ildən Türkmənistanda fəaliyyət göstərdiyini bildirib.