Petronas Carigali Xəzərin 1 saylı blokunda yeni neft-qaz layihələri planlaşdırır

Malayziyanın “Petronas Carigali” (Türkmənistan) şirkəti Xəzər dənizinin Türkmənistan sektorunda yerləşən 1 saylı dəniz blokunda yataqların işlənməsi üzrə iki yeni layihə – qaz və neft layihəsi həyata keçirməyi planlaşdırır. Şirkətin baş direktoru İsmadi bin İsmayıl bunu cümə axşamı Aşqabadda keçirilən 31-ci OGT 2026 Konfransı və Sərgisi çərçivəsindəki panel müzakirəsində bildirib.

İsmayıl, şirkətin 2026-cı ilin dekabrında 19 və 20 saylı bloklarda qazma işlərinə başlamağı planlaşdırdığını deyib. O, 1 saylı blokun qalıq resurs potensialının 70 trilyon kub futdan çox qaz və 200 milyon bareldən çox neft və maye karbohidrogen olduğunu qeyd edib. Bu resursların tam monetizasiyası üçün yeni bazarlara ehtiyac olduğunu vurğulayıb.

Petronas 1996-cı ildən Türkmənistanda fəaliyyət göstərir. 2025-ci ilin mayında şirket, XRG və “Hazarnebit”lə birlikdə 1 saylı blok üzrə pay bölgüsü sazişi, “Türkmənqaz”la isə uzunmüddətli qaz satışı sazişi imzalayıb. Petronas 57 faiz payla operatordur, XRG-nin payı 38, “Hazarnebit”in payı isə 5 faizdir.