Türkiyədən Suriyaya ixrac edilən Azərbaycan qazının həcmi 1 milyard kubmetri ötüb

Bu ilin yanvar-avqust aylarında Türkiyə ərazisindən Suriyaya 1 milyard 40,1 milyon kubmetr Azərbaycan təbii qazı göndərilib. Report xəbər verir ki, bu barədə Türkiyənin Enerji Bazarını Tənzimləmə Qurumunun (EPDK) hesabatında qeyd olunub. Bu göstərici Türkiyənin ümumi qaz ixracında 68,03 % pay təşkil edib.

Ötən ilin eyni dövründə Türkiyədən Suriyaya heç bir qaz nəqli olmayıb. Yalnız avqust ayında Suriyaya 159,4 milyon kubmetr təbii qaz ixrac edilib ki, bu, ötən ilin eyni dövrünə nisbətən 2,7 dəfə çoxdur. Türkiyənin ilk 8 ayda ümumi təbii qaz ixracı 1 milyard 528,94 milyon kubmetr olub və əvvəlki ilin eyni dövrünə nisbətən 16 % artıb.

Azərbaycan qazının Suriyaya ixracı 2025-ci il avqustun 2-dən başlayıb. Bu, 2025-ci il iyulun 12-də Suriyanın keçid dövrü Prezidenti Əhməd Əl Şaraanın Azərbaycana səfəri çərçivəsində SOCAR ilə Suriya hökuməti arasında imzalanan Anlaşma Memorandumuna əsasən həyata keçirilir. Layihənin birinci mərhələsində Suriyaya illik 1,2 milyard kubmetr təbii qaz tədarük olunması nəzərdə tutulur. Qaz Türkiyənin Kilis şəhəri üzərindən Hələb və Homsdakı elektrik stansiyalarına çatdırılacaq; 1 200-1 300 meqavat elektrik istehsalı planlaşdırılır.