TURNAs-2026 təlimində insansız dəniz sistemləri Antalyada nümayiş etdirildi

Antalyada ilk dəfə keçirilən Milli İnsansız Dəniz Sistemləri Təlimi-2026 (TURNAs-2026) çərçivəsində milli və NATO standartlarına uyğun insansız sistemlərin dəniz əməliyyatlarındakı performansı sınaqdan keçirildi. Təlimdə 18 gəmi, 11 hava aləti, 1300 personal və müdafiə sənayesi şirkətlərinin hazırladığı 41 sistem iştirak etdi.

Təlim Deniz Kuvvetleri Komutanlığının idarəsi ilə Konyaaltı ilçəsindəki Sarısu Plajı açıqlarında keçirildi. Tədbiri Deniz Kuvvetleri Komutanı Oramiral Ercüment Tatlıoğlu və Milli Müdafiə Nazirinin müavini Bilal Durdalı izlədi. Təlimdə gizli kəşfiyyat, minaların aşkarlanması və məhv edilməsi, amfibiya hədəf sahəsində kəşfiyyat fəaliyyətləri həyata keçirildi. FPV dron və kamikadze insansız dəniz aləti TCG BEYKOZ-da TOLGA Yaxın Hava Müdafiə Sistemi ilə məhv edildi.

Tatlıoğlu təlimi "dəniz qüvvələrimiz üçün tarixi" adlandırdı. O, mina təhlükəsi olan bölgələrdə insansız vasitələrdən istifadə edildiyini və milli təyyarədaşıyan gəmidə insansız sistemlərlə birgə əməliyyatların nəzərdə tutulduğunu bildirdi.