Özbəkistanda mədənçıxarma istehsalı 2026-cı ilin səkkiz ayında 57,8 trilyon som təşkil etdi

Özbəkistanda 2026-cı ilin yanvar–avqust aylarında mədənçıxarma sənayesi və karxanaların işlənməsi üzrə istehsal həcmi 57,8 trilyon som təşkil edib. Bu sektor ölkənin ümumi sənaye istehsalının 6,2 faizini təmin edib. Məlumatı Milli Statistika Komitəsi yayıb.

Ümumilikdə 2026-cı ilin ilk səkkiz ayında Özbəkistanın sənaye istehsalı 926,5 trilyon som olub və ötən ilin eyni dövrü ilə müqayisədə 8 faiz artıb. Emal sənayesi 805,7 trilyon som ilə ümumi istehsalın 87 faizini təşkil edərək sənayenin əsas hissəsini tutub.

Elektrik, qaz, buxar və havanın kondisionerlə təchizatı sahəsində 58,2 trilyon som (6,3 faiz), su təchizatı, kanalizasiya, tullantıların toplanması və utilizasiyası sahəsində isə 4,8 trilyon som (0,5 faiz) istehsal olunub.