Başqırdıstan baş naziri Şeldyayev: ərzaq təhlükəsizliyi hökumətin əsas vəzifəsidir

Yeni texnoloji səviyyədə ərzaq təhlükəsizliyinin təmin edilməsi Rusiyanın Başqırdıstan hökumətinin əsas vəzifələrindən biridir. Bunu respublika Dövlət Assambleyasının plenar iclasında regional hökumətin baş naziri Aleksandr Şeldyayev bildirib. O, bölgənin ənənəvi olaraq aparıcı aqrar regionlardan biri olduğunu və əsas ərzaq məhsullarını tam təmin etdiyini qeyd edib.

Bölgə təxminən 40 ölkəyə ixrac edir. Mövqeləri möhkəmləndirmək üçün aqrar-sənaye kompleksinin hər il 3-4 faiz artması lazım olduğunu deyən Şeldyayev, hər il ən azı 3 min vahid texnika və avadanlığın yenilənməsini, bunun üçün isə «Rosaqrolizinq» ilə əməkdaşlığın gücləndirilməsini planlaşdırdıqlarını bildirib. Özüyeriyən texnikalara naviqasiya sistemləri quraşdırılır, aqrodronlar istifadə olunur; 2030-cu ilə qədər onların sayının üç dəfə artırılması hədəflənir.

Hədəf hər il ən azı 4 milyon ton taxıl yığmaqdır. Yüksək məhsuldar və stressə davamlı buğda, noxud və qarabaşaq sortlarının yaradılması təşəbbüsü irəli sürülüb. Iri buynuzlu heyvanların genomik seleksiyası layihəsi çərçivəsində 2030-cu ilə qədər 30 min baş genotiplənməsi planlaşdırılır. Robotlaşdırılmış sağım sistemləri ilə birlikdə ildə 1,5 milyon ton süd istehsalına nail olmaq nəzərdə tutulub.