Şimali Makedoniyada tütünün alış qiyməti kiloqram başına 420 denarı keçəcəyi gözlənilir

Şimali Makedoniyanın Kənd Təsərrüfatı, Meşə və Su İşləri naziri Borçe Serafimovski, bu ilki tütün məhsulunun yığımında orta alış qiymətinin kiloqram başına 420 denarı keçəcəyini gözlədiyini bildirib.

Nazir tütün istehsalçılarına birinci sinif üçün kiloqram başına 80, ikinci sinif üçün 70 və üçüncü sinif üçün 60 denar dəstək verilməsinin nəzərdə tutulduğunu qeyd edib. Alış prosesində şəffaflığın təmin ediləcəyini və istehsalçıların hüquqlarının qorunacağını vurğulayıb.

Serafimovski təxminən 18 min kənd təsərrüfatı müəssisəsinin tütün istehsalı ilə məşğul olduğunu bildirib. Tütün və tütün məhsullarının ixracının ölkəyə ildə 140-150 milyon avro valyuta gəliri gətirdiyini deyən nazir, iqlim dəyişikliyinin istehsala təsirlərinə də toxunub və elmi məlumatlara əsasən istehsalçılara dəstək veriləcəyini söyləyib.