Özbəkistanda Mirziyoyev yeddi milli inkişaf proqramını elan etdi

Özbəkistan Prezidenti Şavkat Mirziyoyev dövlət müstəqilliyinin 35 illiyinə həsr olunmuş təntənəli mərasimdə yeddi milli proqram təqdim etdi. Proqramlar tarixi irsin qorunmasını bilikli nəsil, səmərəli iqtisadiyyat, sağlam cəmiyyət, ekoloji məsuliyyət və ədalətli idarəetmə ilə birləşdirir.

Birinci proqram bilik və bacarığı inkişafın əsas kapitalına çevirməyi hədəfləyir. Təhsil keyfiyyətinin əmək bazarının ehtiyaclarına uyğunlaşdırılması, universitetlərin istehsalat problemlərinə həll təklif etməsi və özbək dilində elmi və elektron resursların artırılması nəzərdə tutulur. Üçüncü proqram isə iqtisadiyyatı yüksək texnologiya və əmək məhsuldarlığı modelinə keçirməyi nəzərdə tutur.

Prezidentin Qəşqədərya vilayətinə səfəri zamanı ümumi dəyəri 6 milyard dollardan çox olan 161 layihə həyata keçirildi. Onlardan 69-u işə salındı, 92-sinin tikintisinə start verildi. ABŞ tərəfdaşlarının iştirakı ilə Wosune Food Ingredients Karshi müəssisəsi 100 min ton meyvə-tərəvəz emal edəcək. Misir və Pakistan investorları isə Nişon və Quzor rayonlarında 24 min hektar torpaqda kartof becərilməsi və heyvandarlıq layihələrinə başlayır.