Şimali Kipr XİN Cənubi Kipr–ENI təbii qaz sazişinə etiraz edib

Şimali Kipr Türk Respublikasının Xarici İşlər Nazirliyi Cənubi Kipr Rum İdarəsinin İtalyan ENI şirkəti ilə Kronos təbii qaz yatağına dair imzaladığı müqavilələrə etiraz edib. Nazirlik bəyan edib ki, Kipr türk xalqı adada və ətrafındakı dənizlərdə olan təbii sərvətlərin ortaq sahibidir.

Bəyanatda bildirilib ki, GKRY 26 Oktyabr 2026 tarixində ENI ilə Kronos yatağının istismara verilməsinə dair müqavilələr imzalayıb. Nazirlik bunu Kipr türk xalqının təbii sərvətlər üzərindəki hüquqlarını nəzərə almayaraq davam etdirilən birtərəfli karbohidrogen fəaliyyətlərinin son nümunəsi adlandırıb. Vurğulanıb ki, Rum İdarəsinin Kipr türk xalqını təmsil etmək və bu resurslar barədə onun adından qərar vermək səlahiyyəti yoxdur.

Nazirlik beynəlxalq şirkətləri GKRY ilə əməkdaşlıq edərkən adadakı və regiondakı siyasi reallıqları nəzərə almağa və Kipr türk xalqının haqqını pozan təşəbbüslərin doğuracağı mənfi nəticələri düşünməyə çağırıb. Bəyanatda Şimali Kipr Türk Respublikasının Ana Vətən Türkiyə ilə tam koordinasiya və həmrəylik içində Kipr türk xalqının Şərqi Aralıqdənizdəki qanuni hüquq və maraqlarını qətiyyətlə qorumağa davam edəcəyi yenidən vurğulanıb.