Paşinyan: Azərbaycanla sülhdən başqa alternativ görmürəm

Ermənistanın baş naziri Nikol Paşinyan, Azərbaycanla sülh müqaviləsinin imzalanmasına və ratifikasiyasına alternativ görmədiyini bildirib. İrəvandakı hökumət iclasında xarici siyasət bəyanatı ilə çıxış edən Paşinyan, sülh prosesini tam geri dönməz etmək və əsrlər boyu davam edəcək şəkildə qurmaq vəzifəsi qoyub.

«Yenidən deyirəm: mən sülhə alternativ görmürəm» deyən Paşinyan, sülhün möhkəmləndirilməsini və institusional reallığa çevrilməsini baş nazir kimi birinci, ikinci və üçüncü missiyası adlandırıb. O, Bakı ilə sülh müqaviləsinin tezliklə imzalanmasının və sonradan hüquqi ratifikasiyasının vacibliyini vurğulayaraq bu addımı beynəlxalq təhlükəsizlik arxitekturasındakı tektonik dəyişikliklərlə əlaqələndirib.

Dünya nizamının əslində dağıldığını deyən Paşinyan, bu dövrdə Ermənistanın sülh qurmağa nail olduğunu bildirib. «Bizim vəzifəmiz iki illik sülhü 20 ilə, bir ili 200 ilə, 200 ili 400 ilə çevirmək və bu şəkildə davam etdirməkdir» deyə o, yekunlaşdırıb.