Qırğızıstan və GGGI 2027-ci il iqlim layihəsinin prioritetlərini müəyyənləşdirdi

Qırğızıstan və Qlobal Yaşıl İnkişaf İnstitutu (GGGI) Bişkekdə 2027-ci il üçün regional sel və quraqlıqla mübarizə layihəsinin prioritetlərini razılaşdırdı. Qırğızıstan İqtisadiyyat və Ticarət Nazirliyinin məlumatına görə, qərarlar 28 oktyabrda layihənin rəhbər komitəsinin üçüncü iclasında qəbul edilib. Layihə Mərkəzi Asiyada innovativ ağıllı sel və quraqlıq idarəetmə üsulları vasitəsilə iqlim dayanıqlığını gücləndirməyə yönəlib.

İclasda görülən işlərin nəticələri, layihənin həyata keçirilməsinin gedişi və yaranan çətinliklər müzakirə olundu. 2027-ci il üçün prioritetlər arasında sel və quraqlıq barədə erkən xəbərdarlıq sistemlərinin inkişafı və su ehtiyatlarının idarə olunmasında ağıllı həllərin tətbiqi müəyyən edilib.

Nazirliyini iclasda Beynəlxalq Maliyyə, Yaşıl İqtisadiyyat və Turizm Şöbəsinin rəisi Ömürbek Kencebayev təmsil edib. O, layihənin uğurla həyata keçirilməsi üçün beynəlxalq tərəfdaşlığın və dövlət orqanları arasında qarşılıqlı əlaqənin vacibliyini vurğulayıb. GGGI iclasdan sonra İqtisadiyyat Nazirliyi, Fövqəladə Hallar Nazirliyi və digər tərəfdaşlarla əməkdaşlığı davam etdirməyə hazır olduğunu təsdiqləyib. Layihə Koreyanın iştirakı ilə həyata keçirilir.