Qazaxıstan PUA hücumlarından sonra Atırau-Samara neft kəmərini dayandırıb

Qazaxıstan Energetika Nazirliyinin rəsmi nümayəndəsi Asel Serikpayeva bildirib ki, Atırau-Samara magistral neft kəməri ilə neftin nəqli Samara istehsalat-dispetçer qovşağının obyektlərinə pilotsuz uçuş aparatları ilə hücumdan sonra müvəqqəti dayandırılıb.

Onun sözlərinə görə, obyektlər 2026-cı il noyabrın 2-nə keçən gecə hücuma məruz qalıb. Noyabrın 2-də Astana vaxtı ilə saat 06:09-da (Bakı vaxtı ilə 05:09-da) neftin nəqli dayandırılıb. Qurumun məlumatına görə, müvafiq xidmətlər infrastrukturun texniki vəziyyətini qiymətləndirir. Serikpayeva bu istiqamət üzrə neft qəbulunun yaxın vaxtlarda bərpa olunmasının gözləndiyini bildirib.