Өзбекстанда дәрі бағасына жаңа тәртіп және қатаң бақылау

Өзбекстанда дәрі-дәрмек бағасын қалыптастыру және бақылау бойынша жаңа ережелер енгізілуде, деп хабарлайды UzA. Президент Шавкат Мирзиёевтің 2025 жылғы 28 қаңтардағы жарлығы негізсіз қымбаттауды болдырмауға, халықтың дәрі шығындарын азайтуға және ашық бәсекелестікті қамтамасыз етуге бағытталған.

Анықтамалық баға жүйесі бойынша рецептпен берілетін дәрілерге көтерме саудада 15, бөлшек саудада 20 пайыздан артық үстеме қойылмайды, ал соңғы сату бағасы белгіленген анықтамалық бағадан аспауы тиіс. Бір құрамды, әртүрлі сауда атауымен шығарылатын препараттарға ең төмен анықтамалық баға қолданылады.

Денсаулық сақтау министрлігі жанындағы агенттіктің мәліметінше, 2026 жылғы 1 наурыздан бастап рецептпен берілетін шамамен 2 мың препараттың бөлшек бағасы төмендетілді. Фармацевтика өнімдерінің қауіпсіздігі орталығының директоры Алишер Темиров жылдың бірінші жартысында 634 бақылау іс-шарасы өткізілгенін, 33 дәріханаға лицензия тоқтатылғанын, соның 6-ы дәрілерді мемлекет белгілеген бағадан қымбат сатқаны үшін екенін айтты.