Фидан: Кипр мәселесіндегі ең шынайы шешім — екі мемлекеттің қатар өмір сүруі

Түркия сыртқы істер министрі Хакан Фидан кепілдік беруші ел ретінде Солтүстік Кипр Түрік Республикасына (СКТР) қолдау көрсетуін жалғастыратындарын атап өтті. Фидан СКТР-ға жасаған жұмыс сапарына байланысты NSosyal парақшасында жарияланым жасады.

Фидан сапар барысында СКТР президенті Тұфан Ерхүрман, премьер-министр Үнал Үстел және сыртқы істер министрі Тахсин Ертұғрұлоғлу кездесіп, екіжақты қарым-қатынастарды және Кипр мәселесіндегі соңғы оқиғаларды талқылағанын айтты. Түркияның Кипр түрік халқының қауіпсіздігін, дамуын және әл-ауқатын әрдайым басымдық деп санайтынын атап өтті. "Кипр мәселесіндегі ең шынайы шешім аралдағы екі мемлекеттің қатар өмір сүруінде деп сенеміз" деді.

Фидан тең егемендік пен тең халықаралық мәртебені бекіту әділ және берік шешімнің басты шарты екенін атап өтті. Халықаралық қоғамдастық кипрлік түріктердің заңды үміттерін және аралдағы қазіргі шындықты ескеруі керек екенін айтты. Түркия кипрлік түрік халқының құқықтары мен мүдделерін барлық алаңда қорғауды жалғастыратынын мәлімдеді. Фидан 15 қарашада аталатын СКТР-дың 43 жылдығын алдын ала құттықтады.