Fidan: Kipr məsələsində ən realist həll iki dövlətin yan-yana mövcudluğudur

Türkiyənin Xarici İşlər naziri Hakan Fidan, zamin ölkə olaraq Şimali Kipr Türk Respublikasına (ŞKTR) dəstəyi davam etdirdiklərini bildirib. Fidan, ŞKTR-ə işgüzar səfərinə dair NSosyal hesabında paylaşım edib.

Fidan səfər çərçivəsində ŞKTR Prezidenti Tufan Erhürman, Baş nazir Ünal Üstel və Xarici İşlər naziri Tahsin Ertuğruloğlu ilə görüşərək ikitərəfli münasibətləri və Kipr məsələsindəki son inkişafları müzakirə etdiklərini bildirib. Türkiyənin Kipr türk xalqının təhlükəsizliyini, inkişafını və rifahını həmişə prioritet hesab etdiyini vurğulayıb. "Kipr məsələsində ən realist həll yolunun, Adada iki dövlətin yan-yana mövcud olmasından keçdiyinə inanırıq" deyib.

Fidan bildirib ki, suverenlik bərabərliyinin və bərabər beynəlxalq statusun qeydiyyata alınması ədalətli və davamlı həllin əsas şərtidir. Beynəlxalq ictimaiyyətin kipr türklərinin haqlı gözləntilərini və adadakı mövcud reallıqları nəzərə almalı olduğunu deyib. Türkiyənin Kipr türk xalqının hüquq və mənafelərini bütün platformalarda müdafiə etməyə davam edəcəyini qeyd edib. Fidan 15 noyabrda qeyd olunacaq ŞKTR-in 43-cü quruluş ildönümünü indidən təbrik edib.