Өзбекстан 2030 жылға дейін электр энергиясын өндіруді 129 млрд кВт·сағаттан асырады

Шавкат Мирзиёев отын-энергетика саласындағы инвесторлармен ашық кездесу өткізуде, деп хабарлады президент баспасөз қызметі. Мемлекет басшысы энергетиканы дамудың жүрегі деп атап, тұрақты энергиямен қамтамасыз ету кәсіпкерлердің инвестициясы мен халықтың болашаққа сенімі үшін маңызды екенін айтты.

Он жыл бұрын саладағы мәселелерді шешу, ескірген қуаттарды жаңарту және өсіп келе жатқан сұранысты қамту міндеттері қойылған. Осы мақсатта энергетика нарығы жеке капиталға ашылып, мемлекеттік-жекеше серіктестік тетіктері енгізілді. Осы кезеңде салаға 35 миллиард доллар инвестиция тартылып, серіктес мемлекеттер саны 2-3-тен 10-нан астамға жетті.

Күн, жел және гидроэлектр станциялары есебінен қайта жаңартылатын энергияның жалпы генерациядағы үлесі 31 пайызға көтерілді. Жалпы құны 4,5 млрд доллар болатын 6 ірі жоба бойынша келісімдерге қол қойылды, олар 3 000 мегаватт генерация және 400 мВт энергияны сақтау қуатын жасайды. 2030 жылға дейін 22 000 мегаватт жаңа қуат жасау көзделген, ал электр энергиясын өндіру жылына 129 млрд кВт·сағаттан асып, қайта жаңартылатын энергияның үлесі 54 пайызға жетеді.