Таластағы «Манас Ордо» кешенін қайта жаңарту аяқталды

Қырғызстанның Талас облысындағы «Манас Ордо» ұлттық тарихи-мәдени кешенінде ауқымды қайта жаңарту жұмыстары толық аяқталды. Аумақ жаңартылып, ұлттық мұра заманауи сәулет шешімдерімен біріктірілді. Жұмыстар 2024 жылы республикалық бюджет қаражаты есебінен басталған. 2025 жылғы 13 қарашада Президент Садыр Жапаров кешен аумағында қайта жаңартуға байланысты уақыт капсуласын орналастырды.

Мұражай алаңы 450-ден 1200 шаршы метрге ұлғайтылды. Кешенде жаңа әкімшілік орталық, 300 орындық конгресс-холл, ұлттық стильдегі коттедждер, жазғы және қысқы асханалар, сауда-ойын-сауық галереясы және 2700 орындық трибуна салынды. Қонақүй қайта жаңартылды. 8372 көшет пен гүл отырғызылып, автоматты суару жүйесі орнатылды, Короол шыңына апаратын жол граниттен қапталып, қоршау орнатылды.

Кешенің жалпы аумағы 225 гектар, күніне 10 мыңға дейін қонақты қабылдай алады. 200-ден астам жаңа жұмыс орны құрылды. Президенттің айтуынша, кешен жастарда отаншылдық пен тарихқа құрметті қалыптастыратын заманауи рухани-мәдени орталыққа айналуы тиіс. Қайта жаңарту жұмысын «Тооашкан» ОсОО орындады.