Talasda “Manas Ordo” kompleksinin yenidənqurulması başa çatdı

Qırğızıstanın Talas vilayətindəki Milli tarixi-mədəni “Manas Ordo” kompleksində yenidənqurma işləri tamamlanıb. Ərazi yenilənib, milli irs müasir memarlıq həlləri ilə birləşdirilib. Yenidən qurulmuş kompleks gündə 10 min qonağı qəbul edə biləcək.

İşlər 2024-cü ildə respublika büdcəsi hesabına başlayıb. 13 noyabr 2025-ci ildə prezident Sadır Caparov kompleks ərazisində zaman kapsulu yerləşdirib. Prezident 11 sentyabrda kompleksə səfər edərək yenilənmənin Qırğız xalqının tarixi-mədəni irsinin qorunmasında vacib addım olduğunu bildirib.

Muzeyin sahəsi 450-dən 1200 kvadratmetrə çatdırılıb. Yeni inzibati mərkəz, 300 yerlik konqres-zal, 2700 yerlik tribuna, milli üslubda kottecərlər, yeməkxanalar və ticarət-əyləncə qalereyası inşa edilib. Ərazidə 8372 ağac körpəsi və gül əkilib, Korool zirvəsinə aparan yol isə qranitlə üzlənib. Kompleksin ümumi sahəsi 225 hektardır və 200-dən çox yeni iş yeri yaradılıb.