Қырғызстан 2–2,5 жыл ішінде электр энергиясын импорттаудан бас тартуды көздеп отыр

Қырғызстан Президенті Садыр Жапаров елдің 2–2,5 жыл ішінде электр энергиясының тапшылығын жойып, импорттан бас тартуды жоспарлап отырғанын мәлімдеді. Ол бұл туралы Қадамжай ауданы мен Қызыл-Қия қаласы тұрғындарымен кездесуде, уақытша электрмен жабдықтау шектеулерінің себептерін түсіндіру барысында айтты.

Жапаровтың айтуынша, Қырғызстан 2026 жылы ішкі сұранысты қамтамасыз ету үшін шамамен 4 млрд кВт·сағ электр энергиясын импорттайды. Өзбекстан, Қазақстан, Түркменстан және Ресейде тұтыну жоғарылаған кезеңдерде Қырғызстанға қосымша жеткізу мүмкіндіктері шектеледі. Мұндай сәттерде кейбір аудандарда электр бір-екі сағатқа шектеледі, қалған уақытта ол толық көлемде беріледі.

Economist.kg мәліметінше, билік 2026–2027 жылғы жылыту маусымында 19,6 млрд кВт·сағ тұтынуды болжайды. Оның 15,5 млрд кВт·сағ ішкі өндіріспен, қалған 4,1 млрд кВт·сағ импорт есебінен қамтамасыз етілуі жоспарланған. Жапаров маусым айында жаңа өнеркәсіптік нысандардың іске қосылуына байланысты тұтыну артып жатқанын, ал өндіріс қуаттарының құрылысы сұранысқа ілесе алмай тұрғанын айтқан болатын. Қамбар-Ата ГЭС-1 (1860 МВт) жобасы ең iri жобалардың бірі болып қала береді.