Өндіруден экспортқа дейін: энергетикада кешенді жобаларға басымдық беріледі

Өзбекстан Президенті Шавкат Мирзиёев отын-энергетика саласындағы инвесторлармен ашық диалог жүргізуде. Соңғы бес жылда электр желілерін жаңғыртуға 2 миллиард доллардан астам қаражат бағытталған. Келесі үлкен міндет – желілерді жаңарту және энергия сақтау жүйелерін дамыту.

2030 жылға дейін 5 мың километр желі мен 16 ірі подстанция салу, энергия сақтау қуатын 4,5 гигаваттқа жеткізу жоспарланған. Жобалардың басым бөлігі Қарақалпақстан, Бұхара, Жизақ, Самарқан, Наманған, Қашқадария және Ташкент облыстарына тиесілі. Енді басымдық өндіруді, сақтауды және желілерді бірге қамтитын кешенді жобаларға беріледі. Ұзақ мерзімді энергия сақтау үшін гидроаккумуляциялық станцияларды салуда да инвесторлармен ынтымақтастық жоспарланып отыр.

Өзбекстан энергетикада ішкі нарықпен шектелмейді. Әзірбайжан және Қазақстанмен Каспий арқылы «жасыл» энергияны Еуропаға жеткізу жобасы практикалық кезеңге өтуде. Ауғанстан және Оңтүстік Азия нарықтары да перспективалы бағыттар ретінде белгіленді.