Өзбекстан президенті шетелдік инвесторлармен энергетикадағы жаңа жобаларды талқылады

Президент Шавкат Мирзиёев Сауд Арабиясы, Түркия, БАӘ, Әзербайжан және Ұлыбритания компанияларымен инвестициялық жобаларды іске асыру мәселелерін талқылады. Сауд компаниясы ACWA басқарма төрағасы Мұхаммед Абунайянмен кездесуде ынтымақтастықты кеңейту және бірлескен жобаларды жеделдету мәселелері қаралды. Сауд компанияларының Өзбекстанға, әсіресе «жасыл» энергетика, инфрақұрылым және жоғары технологияларға белсенді инвестиция салып жатқаны атап өтілді.

Түрік Cengiz Holding компаниясының басқарма төрағасы Мехмет Ченгизбен кездесуде энергетика, геология және инфрақұрылым саласындағы ынтымақтастық талқыланды. Жылу электр стансаларын салу және таратушы электр желілерін жаңғырту перспективалары қаралды. Өзбекстан мен Түркия арасындағы тауар айналымының өскені атап өтілді. Президент сонымен қатар Әзербайжан SOCAR компаниясының президенті Ровшан Нәжәфті және British Petroleum компаниясының аға вице-президенті Джованни Кристофолиді қабылдады. Үстірт платосындағы көмірсутек кен орындарын игеру, соның ішінде BP-дің жобаға қатысуы талқыланды.

Masdar және AMEA Power компанияларының басшылары Мұхаммед Джамиль Аль-Рамахи мен Хусейн Аль-Новайспен кездесуде БАӘ-мен динамикалық стратегиялық серіктестік атап өтілді. Жыл басынан бері өзара сауда көлемі 40%-ға өсті. Келіссөздердің нәтижесінде жаңартылатын энергетика, инфрақұрылым, өнеркәсіптік ынтымақтастық, туризм және қызметтер саласындағы жобаларды жеделдету және кеңейту туралы келісімге қол жеткізілді.