Бакуде НАТО жаттығулары аяқталды

Бакуде Әзербайжан мен НАТО арасындағы «Бейбітшілік үшін серіктестік» бағдарламасы аясында «Серіктес елдердің мүмкіндіктерінің үйлесімділігі бастамасы» жаттығуларының үшінші кездесуі және бірінші деңгейдегі өзін-өзі бағалау жаттығуы аяқталды. Day.Az тарататыны бойынша, бұл туралы Әзербайжанның қорғаныс министрлігі хабарлаған.

Жаттығулардың барысын Әзербайжан қорғаныс министрлігінің жоғары лауазымды әскери қызметкерлері, НАТО делегациясы және мониторинг тобы бақылады. Алдымен жаттығудың сценарийі, қауіпсіздік ережелері, бағалау тәртібі және қойылған мақсаттар туралы толық ақпарат берілді. Содан кейін қатысушылар практикалық тапсырмаларды орындады.

Бақылаушылар бөлімшелердің қызметін, құрамның дайындық деңгейін, білімі мен дағдыларын жоғары бағалады. Жаттығудың соңында көзге түскен әскери қызметкерлерге сертификаттар, құрметті грамоталар және басқа да марапаттар табысталды.