Шавкат Мирзиёев Самарқандағы көпір құрылысымен танысты

Өзбекстан Президенті Шавкат Мирзиёев Самарқан облысына сапары барысында Қарадария өзені үстінен салынып жатқан көпірдің құрылыс барысымен танысты. Жоба көлік ағынын жақсартуға, қозғалыс қауіпсіздігін арттыруға және жолдардағы тығыздықты азайтуға бағытталған. Көпір жаңа «Ширин» тұрғын ауданын Самарқанмен және халықаралық әуежаймен байланыстырады.

Президент баспасөз қызметінің мәліметінше, жобаның құны 310 миллиард сум. Көпірдің ұзындығы 780 метр, ені 29,8 метр, биіктігі 2 метр. Төрт жолақты жол тәулігіне 25 мың көлікке дейін өткізе алады. Пайдалануға берілгеннен кейін «Ширин» ауданынан қала орталығына дейінгі қашықтық 23 километрден 4 километрге қысқарады, ал жол жүру уақыты 30 минутқа азаяды.

Мирзиёев 2016 жылы Өзбекстанға барлығы 1 миллион 200 мың турист келгенін, ал бүгін жыл сайын 5 миллион турист қабылданатынын атап өтті. «Бұл көпір менің армандаған мақсаттарымның бірі еді. Бүгін сол арман орындалды», — деді президент. Құрылыс 2022 жылы басталып, 2026 жылы аяқталуы жоспарланған. Бас мердігер — «1-ші көпір салу отряды» унитарлық кәсіпорны.