Қырғызстан соңғы үш жылда 11,8 млрд доллар инвестиция тартты

Қырғызстанда соңғы үш жылда жалпы сомасы 11,8 млрд доллар болатын 88 инвестициялық келісімге қол қойылды. Ал осы жылдың басынан бері 3 млрд долларлық 29 келісім жасалды. Бұл туралы «Кабар» агенттігіне президентке қарасты Инвестициялар жөніндегі ұлттық агенттіктің басшысы Равшанбек Сабиров мәлімдеді.

Сабировтың айтуынша, 2025 жылы елдің экономикасы 11%-ға өсіп, ішкі жалпы өнім 2 трлн сомға жеткен. Сол жылы тікелей шетелдік инвестициялардың көлемі 27%-ға артып, 1,3 млрд доллардан асты. 2026 жылдың алғашқы жарты жылдығында Қырғызстанға 709,9 млн долларлық тікелей шетелдік инвестиция тартылды, бұл өткен жылдың осы кезеңімен салыстырғанда 26,2%-ға көп.

Жаңа инвестициялық жобалар портфелі 23 млрд долларға жетті. Мемлекеттік-жеке серіктестік аясында инфрақұрылым, энергетика, әлеуметтік сала және аймақтарды дамыту бағыттарында жалпы сомасы 475 млрд сомнан асатын 100-ден астам жоба жүзеге асырылуда. 2020–2025 жылдары Қырғызстанға жалпы 5,9 млрд долларлық тікелей шетелдік инвестиция тартылған. Бұл кезеңде елге инвестиция салған негізгі мемлекеттер қатарына Қытай, Ресей, ТМД елдері және Түркия кірген.