Жапаров Аблязовтың ақша туралы сөздерін жалған деп атады

Қырғызстан президенті Садыр Жапаров қазақстандық опозиционер Мұхтар Аблязовтың Бішкекке келу өтінішінен бас тартқанын айтты. Президенттің сөзінше, Аблязов қырғыз паспорты бар екенін мәлімдеген. Әңгіме 2020 жылғы қазан оқиғаларынан кейін болған. Жапаровтың айтуынша, Аблязов Қырғызстанда болып, сол жерден Қазақстан билігіне қарсы саяси қызмет атқарғысы келген.

Жапаров көрші елдің ішкі саясатына араласпауды және Аблязов себепті Қазақстанмен қарым-қатынасты бұзуды ойламағандығын айтып, бас тарту жауабын берген. Президент сонымен қатар Аблязовтың өзі мәлімдеген, Жапаров 2020 жылдың қазан айында одан ақша сұрады деген сөзіне де жауап берді.

«Францияда өмір сүру үшін қазақ халқынан өзі ақша жинап жүрген адамнан мен ақша сұрадым деп кім сенеді? Халық мені түрмеден шығарып, билікке әкелді. Демек, ақшасыз да сайлай алған», - деді Жапаров. Мемлекет басшысы Аблязовтың ақша туралы мәлімдемелерін жалған деп атады.