АҚШ Мемлекеттік хатшысы Марко Рубио Қазақстанға толық форматты сапармен барады

АҚШ Мемлекеттік хатшысы Марко Рубио G20 саммитінен кейін Қазақстанға баруға ниетті екенін мәлімдеді. Ол бұл туралы Самарқандта Қазақстанның Сыртқы істер министрі Мұхтар Тлеубердимен кездесуде айтты.

Еки ел сыртқы саясат ведомстволарының басшылары кеңейтілген стратегиялық серіктестікті дамыту перспективаларын, сауда-экономикалық және инвестициялық ынтымақтастықты нығайтуға баса назар аудара отырып талқылады. Тараптар екіжақты қатынастардағы оң серпінді атап өтіп, сауда айналымын ұлғайту және бірлескен инвестициялық жобаларды іске асыруға өзара мүдделілігін растады.

Кездесуде жоғары деңгейде қол жеткізілген келісімдерді орындауға, соның ішінде Қазақстан Президенті Қасым-Жомарт Тоқаевтың 2025 жылдың қарашасында АҚШ Президенті Дональд Трампмен кездесуі қорытындысы бойынша келісімдерге ерекше назар аударылды. Мұхтар Тлеуберди америкалық инвестицияларды және озық технологияларды тартудың, энергетика, маңызды минералдар, цифрландыру, көлік және логистика салаларында ынтымақтастықтың маңыздылығын атап өтті. Тараптар G20 саммитінің Майамидегі дайындығы туралы да пікір алмасты.