Қырғызстан 2027 жылы Орталық Азиядағы ең төмен инфляцияға ұмтылады

Қырғызстан өкіметі 2027 жылдың соңына дейін Орталық Азия елдері арасында ең төмен инфляцияға қол жеткізуді көздейді. Осы мақсатта елде 1 қаңтардан бастап бағаның өсуін тежеуге бағытталған мемлекеттік бағдарлама іске қосылады. Бұл туралы Қырғызстан президентінің баспасөз хатшысы Аскат Алагозов мәлімдеді.

Алагозов өзінің Facebook парақшасында жазды: «Құдай қаласа, бұл бойынша үлкен үмітіміз бар – 2027 жылды Орталық Азия елдері арасындағы ең төмен инфляция көрсеткішімен аяқтаймыз». Бұдан бұрын Қырғызстанның бағаны тұрақтандыру және инфляцияны тежеу мақсатында 2026–2027 жылдарды қамтитын екі жылдық жоспарға 36,635 млрд сом (189 млрд теңгеден астам) бөлуді жоспарлап отырғаны хабарланған болатын. Жоспардың басты мақсаты – баға өсімін 7% деңгейінде ұстап тұру. Ұлттық статистика комитетінің соңғы деректері бойынша елдегі инфляция 8,1% құрайды.

Халықаралық валюта қоры (ХВҚ) бұдан гөрі аз оптимистік болжам ұсынды. Қордың бағалауынша, керісінше, Қырғызстан 2027 жылы Орталық Азияда тұтыну бағасының өсу қарқыны бойынша көшбасшыға айналуы мүмкін.