ДММ Шығыс Жерорта теңізі мен Ливия келісіміне қатысты дезинформация туралы ескертті

Дезинформациямен күрес орталығы (ДММ) Түркияның Шығыс Жерорта теңізінде заңды құқықтарын қорғауды бекем жалғастырып отырғанын атап өтіп, Ливиямен жасалған теңіз аумақтары туралы келісімді бұрмалайтын негізсіз жазбаларға сенбеуге шақырды.

Орталықтың әлеуметтік желідегі парағында жарияланған мәлімдемеде кейбір аккаунттарда Түркияның Ливиямен келісімі арқылы Шығыс Жерорта теңізін тұрақсыздандырып жатқаны туралы пікірлер қоғамдық пікірді манипуляциялауға бағытталған анық дезинформация деп аталды. Екі егемен мемлекеттің заңды құқықтарын қорғау мақсатында қол қойылған келісім тараптардың бекіту рәсімдерінен өтіп, халықаралық құқыққа және әділеттілік қағидаттарына толық сәйкес күшіне енгені айтылды.

Мәлімдемеде Шығыс Жерорта теңізін қақтығыс аймағына айналдыруға тырысатын және өздері тарап болмаған теңіз аумақтарында заңсыз әрекеттер жасайтын күштердің Түркияны нысанаға алуы өз бұзушылықтарын жасыру әрекеті екені атап өтілді. Түркия өңірде бейбітшілік, тұрақтылық және әділеттілік жағында болып қала беретіні жеткізілді.