Түркменстанда Қарулы күштер әскери бөлімінің жаңа ғимараттар мен нысандар кешені пайдалануға берілді

Түркменстан Президенті, Қарулы күштердің Жоғарғы Бас қолбасшысы, армия генералы Сердар Бердімұхамедов Түркменстан Қарулы күштері әскери бөлімінің жаңа ғимараттар мен нысандар кешенінің ашылу рәсіміне қатысты. Хабарда Ұлттық көшбасшы Гахрыман Аркадагымыз бастаған әскери реформалар Президент Сердар Бердімұхамедовтің басшылығымен табысты жалғастырылып жатқаны атап өтілген.

Кешенге басқару ғимараты, жаттығу алаңы, сарбаздар асханасы, казармалар, медициналық пункт, ашық спорт алаңы, кедергілер жолы, автокөлік аялдамасы және шаруашылық ғимараттар кіреді. Қорғаныс министрі Б. Гундогдыев нысандардың ашылуға дайын екенін Мемлекет басшысына баяндады. Салтанатта Мемлекеттік әнұран орындалып, лента кесілді.

Президент басқару ғимаратында заманауи қаруларды және ұшқышсыз ұшу аппараттарын көрді, медициналық пунктке және казармаларға барды. Хабарда казармаларда жылыту және салқындату жүйелері орнатылғаны, әскери киім мен кейбір жабдықтарды түркмен кәсіпкерлері өндіргені, ал Президентке сый ретінде түркмен кілемі тапсырылғаны айтылған.