Балалардың әл-ауқатына инвестиция туралы Самарқанд декларациясы қабылданды

Самарқандта «Балалардың әл-ауқатына инвестиция» жаһандық саммиты өз жұмысын аяқтады. Форумның жабылу рәсімінде Президент жанындағы Ұлттық әлеуметтік қорғау агенттігінің бірінші орынбасары Шахноза Мирзиёева Самарқанд декларациясының қабылданғанын жариялады.

Құжат жалпы көзқарас, елдердің міндеттемелері, қаржыландыру және бірлескен жұмыс бөлімдерінен тұрады. Онда әлемдегі халықтың үштен бірін балалар құрайтыны атап өтіледі. Климаттың өзгеруі, қақтығыстар, мәжбүрлі көші-қон, экономикалық қысым және технологиялық өзгерістер сияқты қабаттасқан дағдарыстар теңсіздікті күшейтетіні және олар үшін жауапкершілігі ең аз балалардың ең көп зардап шегетіні айтылады. Елдер ұлттық жағдайларға, басымдықтарға және мүмкіндіктерге сәйкес әлеуметтік қорғау, зорлық-зомбылықтан қорғау, желідегі қауіпсіздік, ерте жас пен білім беру, денсаулық сақтау, балалар қатерлі ісігі, отбасын қолдау және жастарды дайындау салаларында сегіз міндеттеме алады.

ЮНИСЕФ-тің Еуропа, Орталық Азия, Таяу Шығыс және Солтүстік Африка бойынша өңірлік директоры Эдуар Бегбедер декларация жалпы бағытты айқындайтынын айтты. Дүниежүзілік банктің Орталық Азия елдері бойынша директоры Наджи Бенхассин үкіметтердің ресурстары шектеулі екенін және балаларның әл-ауқатына инвестиция басымдық екенін айқын жариялау маңызды екенін атап өтті. Спикерлер басты мәселе берілген уәделер мен оларды орындау арасындағы алшақтық екенін атап өтті.