Қазақстанда базалық мөлшерлеменің 2026 жыл аяғына дейін өзгеруі күтілмейді

Қазақстан Ұлттық банкі 2026 жылдың аяғына дейін базалық мөлшерлеменің өзгеруін күтпейді. Реттеушінің шешіміне тек төтенше және күтпеген оқиғалар әсер етуі мүмкін. Бұл туралы брифингте Ұлттық банк төрағасы Тимур Сүлейменов мәлімдеді.

Сүлейменовтің айтуынша, қалған айларда инфляцияға айтарлықтай әсер ететін факторлар көрінбейді. Жыл аяғында коммуналдық тарифтердің өсуіне байланысты инфляцияның жеделдеуі мөлшерлемені автоматты түрде өзгертуге негіз болмайды. Ол мөлшерлемені көтеруге де, төмендетуге де қазір негіз жоқ екенін қайталады. Сыртқы тәуекелдердің ішінде АҚШ пен Еуропадағы пайыздық мөлшерлемелердің өсуі доллар мен еуроны тартымды етуі мүмкін. Алайда теңгеге қазір мұнай мен металл бағасы, шетелдік инвесторлардың қатысуы және Ұлттық банктің операциялары күштірек әсер етіп отыр.

Ұлттық банк 23 қазанда базалық мөлшерлемени жылдық 16,25 пайыздан 15,75 пайызға дейін төмендеткен. Бұл шешім қыркүйекте 9,3 пайызды құраған инфляцияның баяулауымен байланысты қабылданды. Базалық мөлшерлеме бойынша келесі жоспарлы шешім 2026 жылғы 4 желтоқсанда жарияланады.