Самарқандағы балалар әл-ауқаты саммиті туралы Пәкістан APP хабарлады

Пәкістанның ұлттық ақпарат агенттігі APP Самарқандта өткен «Балаларға инвестиция: болашақ ұрпақ үшін тұрақты және әділ дамуға қарай» халықаралық саммитінің қорытындылары туралы мақала жариялады. 21–22 қазанда өткен беделді саммитті Өзбекстан үкіметі БҰҰ-ның мамандандырылған мекемелерімен және Дүниежүзілік банкпен бірлесіп ұйымдастырды. Оған әлем елдерінің бірінші ханымдары, министрлер, халықаралық ұйым өкілдері және қоғам қатысты.

Саммитте қабылданған Самарқанд декларациясы балаларды барлық зорлық-зомбылық пен эксплуатация түрлерінен қорғау, сапалы білім мен денсаулық сақтау қызметтеріне қолжетімділікті кеңейту және олардың әл-ауқатына инвестицияны арттыру стратегиялық мақсаттарын белгіледі. Мақалада Өзбекстанның Ұлттық әлеуметтік қорғау агенттігі директорының бірінші орынбасары Шахноза Мирзиёеваның сөзіне ерекше назар аударылған. Ол балалардың қауіпсіздігін, денсаулығы мен қадір-қасиетін қамтамасыз етуді олардың жарқын болашағы үшін ең маңызды шарт деп атап өтті.

Мақалада сондай-ақ саммит аясында Самарқандта «Имкон» көпбейінді орталығының ашылғаны айтылған. Мектепке дейінгі білім беру, арнайы педагогикалық қолдау және медициналық-реабилитациялық көмекті біріктірген орталықтың мектепке дейінгі бөлімі 150 балаға, амбулаториялық бөлімі айына шамамен 100 балаға арналған.